3. [67] ... lumbaribus: braylers, de braelleys ... capucium: chaperon ... lupatum: chanfren, chanefren ... laciniis: des espauns, anglice gores ... [68] ... beverina: de bevere, lutre ... pulvillum: baz, bace, la bas ... tapetum: cape vel chaluns, cape ... [68.64] ... vestis stragulata: vesture rayé ... [69] ... indumenta: fulemens ... ad opus anaglapharium: burdure, a sutil evere a fere ... tecam: deeyl, deel, delley
Gloss.
[AND TLL (ii 67-69) ante 1300]
6. 42. \Marcaunts./ Item, priont les communes pur voz poveres liges, les marchantz et overours des draps appellez single worstedes, et toutz voz autres liges del counte de Norff': qe come nostre seignour le roi, de sa grace especiale, a la supplicacioun des ditz marchantz et overours, et auxint des communes de son roialme, a luy faite en son parlement tenuz a Westm' l'an de son roialme treszisme, del avys et assent de son conseille el dit parlement, granta [ ][ ][ ] par ses lettres patentes as ditz marchantz, overours, q'ils purroient amesner draps de single worsted, faitz et affairs el dit counte, a quelles parties \de/ dela qe lour plerroit, sinoun as enemys: nient contresteantz ascunes ordinances, proclamacions, inhibicions, mandementz, chartres, libertees, ou privileges grantez a les burgeys de Caleys, ou a les marchantz de l'estaple de Caleys, ou a ascun autre a contraire faitz ou grantez; paiant les custumes et subsides ent dues, sicome es dites lettres est contenuz pluis au plein. Et puis apres, noun obstant la dit grant issint fait en plein parlement, lettre du prive seal fuist direct as coillours des custumes et subsides des leyns, quirs, et peaux lanutz el port de Jernemuth, q'ils prendroient seurete de ceux qe ferroient eskipper ascuns draps el dit port, qe les ditz draps ne deussent estre amesnez aillours sinoun a l'estaple de Caleys. Apres quelle lettre du prive seal, autres lettres patentes nostre seignour le roi furent grantez as ditz marchantz et overours, q'ils purroient amesner boltes de single worstedes faitz et affairs el dit counte, hors de roialme a quelles parties qe lour plerroit forspris as enemys, paiant custumes, subsides, et autres devoirs ent dues, sibien a Caleys come aillours. A cause de quelles lettres, les ditz marchantz depuis encea n'eskipperent, ne ne purroient eskipper, nules tielx draps al dit port s'ils ne trovent surete pur paier les devoirs de Caleys pur les ditz draps issint eskippez al dit port; le quelle charge, s'il serroit soeffre, qe Dieu ne voille, s'estendroit deinz brief temps en final destruccioun et anientissement des ditz marchantz et overours, et auxint grant damage, perde et empoverissement de toute la communalte el counte avantdit.
Qe plese a nostre dit seignour le roi considerer l'emportable charge et meschief avauntditz, et surce granter a voz ditz marchantz et overours q'ils purront amesner les ditz draps a quelles parties qe lour plerra, sinoun as enemys, paiant tantsoulement les custumes et subsides ent dues, et nemye tielx devoirs, solonc l'effect et purport de les primers lettres patentes issint grantez par advys du parlement, come desuis est dit: et qe voz ditz marchantz et overours soient outrement quitz et deschargez de les suretees prises pur les devoirs avauntditz, nient contresteantz ascunes ordinances, proclamacions, inhibicions, lettres, [iii 321] ou mandementz, ou chartres, libertees, usages, ou privileges grantez ou a granters a les burgeys de Caleys, ou a les marchantz de l'estaple de Caleys, ou ascun autre, faitz ou affairs a contraire. Et ceo en salvacioun del povere estat de voz ditz marchantz et overours, et pur commune profit, sustenance et relevation de toutz \voz/ liges del counte avauntdit.
Responsio
Le roi voet qe les ditz marchantz et overours purront amesner boltes de single worstede as queux parties qe lour plerra, forspris as enemys du roi, paiant les custumes et subsides ent dues, sanz paier les devoirs de Caleys: parensy qe desouz colour des ditz boltes de single worstedes ils n'asmesnent ascuns doubles worstedes, ne dymy doubles, ne worstedes raiez ne motlez, sur peine de forfaiture d'icels: nient contresteant ascun estatut, ordinance, proclamacioun, inhibicioun, lettres, mandementz ou chartres, libertees, usages ou privileges, grantez ou a granters a les burgeys de Caleys, ou a les marchantz de l'estaple de Caleys, ou a ascun autre faitz ou affairs a contraire. Et qe les obligacions et suretees prises devant ces hures pur les devoirs de Caleys soient restitutz et deliverez.
Legal.
[AND RotParl1 (iii 321 [Item 42]) 1394]
8. Veilles parementz appertenantz al mistere:
Item, ils ont delyvree a les avantditz gardeyns par eux esluz les veilles parementz pur lour auter, queux Sire William Hedyngdoun, le chapelein de la mercerye, lour delyvrera, c’est assavoir une chalice d’argent ové le patene [MS: ‘patene enorrez’, the latter word firmly scored out] poisent xvi ounces ii quarterons, pris xlii s. Item, une veille chesible ové les parures de tartaryn raié, une aube et une amyte et une towaille pur estre desuis l’autre, pris tout – viii s. Item, veille huch lié de ferre, pris – x s.
Doune de Sire William Hedyngtoun, chapeleyn del mercerye:
Item, ils ount delivrez as ditz novelles gardeyns par eux esluz les choses desoutz escriptz queux le dit Sire William Hedyngdoun lour delyvra auxy, et queux mesme Sire William ad dounee de sa bone volentee a la comunealtee de la mistere del mercerye, c’est assavoir une novelle lyvre appellee missale, pris x marcz. Item, une chesible de velvet rouge champ soie embraudé de esteilles d’or ové les parures, aube et amytes, pris – liii s. iii d.
Accounts.
[LexP Mercers' Accounts (I.232) 1409/1410]
Body Parts: N/A.
